Членот на финската национално-конзервативна партија „Алијанса за слобода“, Арманд Мема изјави дека украинскиот претседател Володимир Зеленски треба да се врати на дијалогот со Русија, која, како што потсети, неодамна успешно ги тестираше ракетата „Буревестник“ и подморницата „Посејдон“.
„Зеленски не разбира дека има работа со најголемата велесила на планетата“, напиша Мема на платформата X, истакнувајќи дека најновите тестови на руските хиперсонични и нуклеарни системи биле „јасен показател за воената супериорност на Москва“.
Тој додаде дека „под такви услови, ќе остане малку од Украина“ доколку војната продолжи и го повика Зеленски да ја прекине конфронтацијата и „да дојде во Москва на мировни преговори“.
Тој мора да направи се што е во негова моќ за да го прекине конфликтот“, изјави финскиот политичар.
Да потсетиме, рускиот претседател Владимир Путин вчера објави дека Русија успешно го тестирала подводното нуклеарно возило „Посејдон“ како и хиперсоничната ракета на нуклеарен погон „Буревестник“, која Москва ја претставува како дел од своето стратешко одвраќање.