Иако сопствениците на возилата на Тесла треба да можат да ги отклучуваат своите автомобили дури и кога апликацијата не работи, некои од нив се пожалија дека не можат да го отклучат возилото.
Денес живееме во поврзан свет каде што сме силно зависни од интернет и секој пад на мрежата или одредени апликации може да предизвикаат големи проблеми. Сетете се само на неодамнешниот пад на Фејсбук кога корисниците не можеа да објавуваат содржини на Фејсбук и Инстаграм (и многу влијателни лица заработуваат од тоа), ниту можеа да комуницираат преку WhatsApp.
Некои сопственици на Тесла имаа многу поголеми проблеми вчера бидејќи, кога апликацијата на Тесла престанала да работи, тие не можеле да ги отклучат или стартуваат своите автомобили. За ова на Твитер предупредија сопствениците на автомобилите на Тесла, на што реагираше Илон Маск, кој се извини и неколку часа подоцна напиша дека ситуацијата е решена и дека ќе преземе мерки за да не се повтори истото во иднина.
Апликацијата покажала „ серверска грешка“, што укажува на проблеми со серверот на кој се обидува да се поврзе апликацијата на Тесла. Како што е познато, покрај картичката за клучеви и далечинскиот клуч, автомобилите на Тесла можат да користат и паметен телефон како клуч. Со оглед на тоа што телефоните се поврзуваат со автомобилот преку Bluetooth, нивното поврзување како клуч не бара интернет конекција, односно проблемите со апликацијата не треба да влијаат на отклучувањето на возилото.
Сепак, како што е објавено на CNN, во некои (се чини ретки) случаи, корисниците сè уште не можеле да го отклучат своето возило. Тие го спомнуваат случајот со Захари Кифер кој со часови не можел да влезе во својот автомобил. Ја изгубил картичката Тесла што ја користел како клуч, а неодамна купил нов телефон и не можел да го отклучи возилото. Тој изрази незадоволство од услугата за корисници на Тесла и рече дека изгледа не им е грижа за проблемите што ги имаат сопствениците на нивните телефони.
I’m experiencing 500 server error to connect my @tesla Model 3 on my iOS app in Seoul, S.Korea. Seems like this is a worldwide issue. @elonmusk
— Jaehwan Cho 조재환 (@hohocho) November 19, 2021
Некои корисници на Твитер исто така се пожалија дека не можат да ги отклучат своите автомобили со своите телефони. Во Electrek велат дека Tesla ја надградила својата апликација оваа недела и тоа е веројатната причина за проблемот со работата на апликацијата. И на оваа страница, тие нагласуваат дека, дури и кога апликацијата не работи, возачите треба да можат да го отклучат автомобилот со својот телефон, но сепак препорачуваат да носат клуч или картичка за да избегнат ситуации како вчера.