Министерот за здравство на Велика Британија Саид Џавид најави дека од следниот понеделник ќе се скрати периодот на изолација по позитивен тест за коронавирус на само пет дена, за да можат вработените побрзо да се вратат на работа.
Џавид рече дека сепак ќе мора да имаат негативен тест во последните два дена од изолација, пренесува Политико.
Одлуката е донесена откако во декември 12.986 пациенти чекале помош повеќе од 12 часа.
Џавид изјави дека 79 отсто од возрасните Британци примиле засилена доза од вакцината, а повеќе од 91 отсто во возрасната група постари од 50 години.
По глава на жител, Обединетото Кралство има најголем број луѓе кои примаат засилена доза во група големи земји, рече Џавид.
Со оваа одлука Англија ги следеше само САД, Грција и Франција, кои малку порано го намалија периодот на изолација на пет дена, под услов да имаат негативен тест и без симптоми.