Полска уапси уште еден член на руска шпионска мрежа, со што вкупниот број на уапсени лица во истрагата се искачи на 15, изјави денеска министерот за внатрешни работи Мариуш Камински.
Главен центар за воени испораки на Западот за Украина, Полска вели дека станала главна цел на руските шпиони и ја обвинува Москва дека се обидува да ја дестабилизира.
– Агенцијата за внатрешна безбедност приведе уште еден член на шпионската мрежа кој работи за руските разузнавачки служби – наведе Мариуш Камински во објава на Твитер.
– Осомничениот следел воени објекти и поморски пристаништа. Тој беше систематски плаќан од Русите – додаде тој.
Руската амбасада во Варшава не одговори веднаш на барањето за коментар испратено преку е-пошта од Ројтерс.
Во јуни, Полска приведе руски професионален играч на хокеј на мраз под обвинение за шпионажа.
Во март, Полска соопшти дека разбила руска шпионска мрежа и уапсила девет лица за кои рече дека подготвувале акти на саботажа и ги надгледувале железничките линии кон Украина.