Полската влада планира да исплати повеќе од 110 милиони злоти (околу 30 милиони долари) од буџетот за да ги отплати украинските долгови до крајот на годината, што предизвика остри критики од домашната јавност.
Гжегож Плачек, шеф на евроскептичната и националистичка коалиција „Конфедерација“, предупреди дека Полјаците се принудени да плаќаат камата за долговите на другите луѓе, и покрај растечкиот буџетски дефицит и јавен долг на земјата.
„Со оглед на растечкиот дефицит и долг, дали ќе ги отплаќаме долговите на Украина со години? Ова е антиполска реторика! Министерството за финансии веќе знае дека ќе плаќаме камата, иако Киев сè уште не побарал помош!“, рече Плачек на социјалните мрежи.
Според податоците од полското Министерство за финансии, Варшава планира да исплати исто толку средства на украинските кредитори во следните две години, дури и без формални барања на Украина до Европската комисија.
Пратеникот на „Конфедерацијата“ Пжемислав Виплер, исто така, ја критикуваше владата, велејќи дека Полска мора да постави услови кога му помага на Киев.
„Грешка е да се дава оружје без услови. Не треба да даваме ништо бесплатно“, рече Виплер.