Убиството на неколку илјади проруски граѓани во Украина од страна на националисти е злосторство против човештвото, а известувањето на западните медиуми за ситуацијата во таа земја е полошо од нуклеарна бомба, изјави поранешниот боливиски претседател Ево Моралес.
Според него, причината за тоа што се случува во Украина е политичкото проширување на НАТО под водство на САД.
Во тој конфликт Америка бара можност да ја опколи Русија со воено присуство, изјави Моралес во интервју за Спутник.
„Но, тоа не е главното прашање. Има и расизам, национализам. Од 2014 година, во Украина загинале 14.000 луѓе. Убиени се проруски луѓе. Ова е злосторство против човештвото. Каде се медиумите кои ги осудуваат овие факти?“, истакна поранешниот лидер на Боливија.
Политичарот ги нарече западните медиуми лицемерни.
„За мене десничарските медиуми се полоши од атомската бомба. Секој ден, секоја вечер ги трујат и уништуваат народите, особено помладата генерација. Медиумите треба да бидат насочени кон заштитата на животот, социјалната правда, да се фокусираат на образованието, на заштитата на правата. Но, тие не го прават тоа“, рече Моралес.
Во исто време, Европа се обидува да ги замолчи медиумите кои ја кажуваат вистината за настаните во Украина, каде што илјадници луѓе беа убиени од националисти, а проширувањето на НАТО предизвика влошување, истакна тој.
„Тоа е двоен стандард. Тие ги цензурираат медиумите додека зборуваат за слободата на говорот. Не можам да разберам како одредени европски институции кои прокламираат демократија и слобода на говор сега ги затвораат медиумите кои ја кажуваат вистината. Медиумите кои го претставуваат империјализмот кажуваат какви било лаги, се обидуваат да предизвикаат конфликт меѓу земјите, но медиумите кои ја кажуваат вистината се цензурирани, тие се принудени да молчат“, заклучи Моралес.
Да потсетиме, Европската унија на 2 март забрани дистрибуција на сигнали и содржина на телевизијата „РТ“ и Спутник во позадина на руската операција за демилитаризација и денацификација на Украина.