Агенцијата на Велика Британија за управување со возила и стандарди за возила (DVSA) неодамна објавиле нов рекорд во бројот на случаи кога некој паднал на испит за теоретско знаење за возење пред конечно да го положи тестот.
Човекот, чие име не беше соопштено во јавноста, успеал да положи теоретски тест (за возење) откако претходно паднал 157 пати и потроши скоро 3.000 фунти (4.100 долари) во тој процес.
Повеќе медиуми го објавија овој неименуван британски кандидат за титула најлош возач на светот, но други пак го нарекуваат пример на упорност.
Вистината е она што тие го велат: Ако не успеете на почетокот, обидете се и обидете се повторно. Полагањето на возачки тест може да биде еден од најтешките предизвици во животот, и можеби на некои од нас ќе ни треба многу повеќе обиди од другите “, изјави за LAD Bible, Марк Тонг, извршен директор на Select Car Leasing.
„Но, без оглед дали ќе паднете на тестот еднаш или 157 пати, нема срам да се обидете повторно – и секој што ќе заврши успешно заслужува голем кредит“, додаде Марк Тонг, директорот на компанијата.
Иако неименуваниот човек моментално е на првото место за најнеуспешни обиди за полагање возачки испит, тој има сериозна конкуренција.
Податоците на британската ДВСА покажуваат дека втората по бројот на неуспеси и припаѓа на жена во нејзините 30-ти години, која го полагала тестот 117 пати и допрва треба да го положи, додека третиот е окупиран од 48-годишна жена која конечно го поминала тестот во нејзиниот 94. обид.
Се надеваме дека на рекордерот нема да му требаат приближно толку обиди за полагање на практичниот дел од возачкиот тест…