Една корисничка на ТикТок се трогнала кога ја виде својата покојна баба на Google Earth.
Бабата почина во 2019 година, но возило на Гугл, кое минувало низ тој крај пред нејзината смрт, го овековечило моментот кога баба уживала во градината.
– Бабата почина во 2019 година, но Гугл ја снимил како седи во дворот и ужива на сонцето – напиша жената што го објави видеото на ТикТок.
@sundrenched625My grandma passed away in 2019 but on google earth she’s sitting outside enjoying a nice summer day ?? #google_earth
Нејзината објава ја виделе повеќе од 300.000 луѓе, а потоа и самите корисници започнале да бараат куќи на нивните најблиски кои ги нема повеќе. Останатите се изненадиле кога ги пронашле на мапите.
Еден корисник кој неодамна го загубил својот дедо, кој починал од последиците на коронавирусот, го пронашол на Google Earth како коси тревник пред куќата.
– Ковид ни го зеде минатата недела. Ви благодарам за оваа идеја, јас сум многу среќен што ја „најдов“ – напишал корисникот.
Тогаш коментарите започнаа да се редат.
– Дедо ми почина пред две години. Сега ги гледав мапите и го видов на патеката пред куќата. Ви благодариме што го објавивте ова – напиша друг корисник.
– Тато почина во 2017 година, а на Google Earth и помага на сестра ми да се пресели во нејзината нова куќа – напишала една Кристина.
– Ја најдов мајка ми како седеше на терасата од нашата куќа во Грција. Таа почина во 2017 година. Ви благодарам многу за ова – напиша една Кети.
Еден корисник споделил многу шокантен статус за неговиот внук, кој починал кога тој имал 5 години.
– Го изгубивме во 2015 година, кога имаше само пет години. И еве, го гледам сега на Google Earth пред куќата на мајка ми – напиша друг корисник.