Погребната миса за поглаварот на Римокатоличката црква, папата Франциск, започна денес во Рим, а ќе ја предводи кардиналот Џовани Батиста Ре.
Сепак, тој нема да учествува во процесот на избор на следниот папа, бидејќи има 91 година и се смета за престар за учество на конклавата, каде што оние над 80 години не можат да гласаат.
Погребот започна во 10 часот наутро, а церемонијата започна со изнесување на ковчегот од базиликата „Свети Петар“, пренесува Танјуг.
Илјадници верници и повеќе од 2.000 новинари од целиот свет се собраа на плоштадот „Свети Петар“ за да присуствуваат на погребот на папата Франциск, како и на десетици светски лидери, монарси и високи функционери.
На плоштадот има и голем број свештеници, калуѓерки, млади католици, како и верници.
Низ целиот Рим и над италијанската престолнина се распоредени модерни одбранбени и безбедносни механизми, вклучувајќи оружје против дронови, зона забранета за летови патролирана од борбени авиони, како и антитерористички и антисаботажни единици.
Повеќе од 2.000 полицајци патролираат низ црквата „Свети Петар“ и нејзината околина, а ќе бидат поддржани од 400 сообраќајни полицајци, кои ќе помагаат во движењето на дипломатските конвои.
Папата Франциск ќе биде погребан денес во една од таканаречените „пет папски базилики“, Санта Марија Маџоре, во Рим, каде што ќе биде пренесено телото на поглаварот на Римокатоличката црква од базиликата „Свети Петар“.
Ватикан објави дека на погребот ќе присуствуваат 170 делегации, меѓу кои околу 50 шефови на држави и 10 монарси.