Американскиот државен секретар Џејмс Матис изјави дека не знае дали севернокорејскиот лидер Ким Џонг Ун отпатувал во Пекинг.
Тој на новинарите во Пентагон им рекол дека „некако изгледало како тој да бил во Пекинг“, но дека сепак не може да каже дали тоа точно се случувало.
Како што пренесе АП, јапонските медиуми известуваат дека специјален севернокорејски воз пристигнал во Пекинг, под силни безбедносни мерки, што сугерира дека во него можеби се наоѓала висока делегација од Пјонгјанг.
Портпаролката на кинеското Министерство за внатрешни работи соопштила дека не е известена за ситуацијата и дека нема да коментира, а државните медиуми во Северна Кореја немаат известувања за патувањето на делегацијата во Кина.
Јапонската телевизија NTV и јавниот сервис NHK известија дека возот пристигнал и дека има силно полициско обезбедување во Пекинг, а дека тоа наговестува дека во него има висок политички претставник.
Loading...
Овие извештаи ги загреваат шпекулациите дека во тој воз можеби се наоѓал лидерот на Северна Кореја, Ким Џонг Ун.
Агенцијата Блумберг, повикувајќи се на три неиуменувани извори запознаени со посетата, претходно јави дека севенрнокорејскиот лидер изненадно пристигнал во Кина.
Како што наведуваат, се верува дека тоа е прво патување во странство на лидерот на Северна Кореја по преземањето на функцијата во 2011. година.
Се очекува, како што пишува АП, Ким да се сретне со јужнокорескиот претседател Мун Џае Ин на самитот кон крајот ан април, како и со претседателот на САД Доналд Трамп до крајот на мај.
Од друга страна, како што наведува агенцијата, за тоа дека Ким планира самит во Пекинг не станувало збор. Кина е еден од најважните сојузници на Северна Кореја, но односите помеѓу двете земји се студени по развојот на нуклеарното оружје и ракетит со долг дострел во Пјонгјанг.
NTV известува дека во Пекинг пристигнал зелено-жолт воз, многу сличен на оној со кој поранешниот севернокорејски лидер Ким Џонг Ил, покојниот татко на актуелниот владетел, во Пекинг патувал во 2011. година.