Почна реконструкција на дел од малиот градски плоштад во Куманово (ФОТО)

Во Куманово започна уредување на дел од малиот градски плоштад кај НУЦК „Трајко Прокопиев“. Проектот предвидува поставување гранитни окапници и ѕидни елементи, со цел просторот да добие посовремен изглед.

Според градоначалникот Максим Димитриевски, реконструкцијата ќе придонесе за подобрување на урбаната слика на централното градско подрачје.

– Во тек е реконструкција на дел од малиот плоштад кај НУЦК „Трајко Прокопиев“. Активностите опфаќаат набавка, транспорт и монтажа на окапници од гранит, како и ѕидни гранитни елементи, со што просторот ќе добие уреден и модерен изглед, информираше, денеска градоначалникот на општината, Максим Димитриевски.

Никола Ивановски