Ураганот Деби донесе повеќе од силни ветришта и бура на Флорида, бидејќи пакувањата со кокаин вредни повеќе од еден милион долари, исто така, паднале на копно, соопштија официјални лица.
Тоа е најновото во низата неодамнешни отркитија на дрога долж брегот на Флорида.
Деби, кој пристигна на копното на Флорида како ураган од прва категорија, но оттогаш беше намален на тропска бура, ја исфрли дрогата на брегот во Флорида Кис, напиша на социјалните мрежи вршителот на должноста агент на американската гранична патрола Семјуел Бригс II.
Флорида во близина на Карибите транзитни центри за шверц на дрога
„Ураганот Деби донесе 25 пакувања кокаин на плажа во Флорида Кис“, напиша Бригс, објавувајќи фотографии од пакетите.
Во пакувањата имало 32 килограми кокаин.
Бригс додаде дека дрогата, чија улична вредност е над 1 милион долари, ја пронашол добар Самарјанец кој ги контактирал властите.
Наоѓањата на кокаин се доста чести на или во близина на брегот на Флорида, држава недалеку од карипските транзитни центри за шверц на дрога од Јужна Америка во САД и Европа.
Така, во јуни минувачите пронашле околу 30 килограми кокаин како лебдат во океанот на брегот на Флорида Кис.
Претходно истиот месец, нуркачите пронајдоа 25 килограми кокаин на длабочина од околу 30 метри во близина на Ки Вест, пишува CBS News.