Куба ќе им овозможи на странските инвеститори да влезат во нејзиниот сектор за трговија на големо и мало за прв пат по 60 години.
Овој потег претставува голема промена за комунистичката влада на островската држава да ја смени политиката на Фидел Кастро за национализација на малопродажбата.
Одлуката има за цел да го реши недостигот на основни добра, како што се храна и лекови, бидејќи Куба се соочува со најголемата економска криза во последните децении со зголемените цени и јавното незадоволство.
Сепак, тоа не значи целосно отворање на кубанскиот пазар.
Владини претставници рекоа, како што јави ВВС, дека странските инвеститори ќе можат целосно или делумно да поседуваат трговци на големо во Куба.
„Малопродажбата, сепак, нема да биде отворена за меѓународните инвеститори без контроли, бидејќи „државниот пазар мора да има превласт“, рече министерката за надворешна трговија Бетси Дијаз Веласкез.
Министерот за економија Алехандро Гил рече дека овој потег ќе овозможи „проширување и диверзификација на понудата за населението и ќе придонесе за закрепнување на домашната индустрија“.
Во 1969 година, Фидел Кастро ја национализираше приватната кубанска индустрија на големо и мало.
Новиот закон за странски инвестиции, сепак, признава дека централизираната влада на земјата не може да го реши својот недостиг на основни добра без странски инвестиции.
Владини претставници велат дека новата политика ќе им даде приоритет на бизнисите кои се во Куба неколку години и работење со компаниите кои продаваат технологии и опрема за зелена енергија што би можеле да го поттикнат домашното производство.