По 21. пат се одржа „Пивтијада“ во Куманово (ФОТО)

Во чест на христијанскиот празник Водици денеска се одржа традиционалната манифестацијата „Пивтијада“ во Куманово.

Настанот е во организација на Здружението на граѓани  „Еко – гард” од Куманово и ресторанот „Грација“, а со поддршка на Општина Куманово.

– Ова е 21 издание на традиционалното  празнично  дружење кое има натпреварувачки дух, се избира најдобра пивтија, низ песна и игра на членовите на  КУД “Панче Пешев” од Куманово, изјави градоначалникот Максим Димитриевски.

Нов кум на манифестацијата е директорот на ЈП „Чистота и зеленило“ и претседател на здружението „За наше Куманово“ Даниел Стојчевски.

Никола Ивановски