Фотографиите кои во 2012 година ги направи орбиталниот истражувач на Месечината од НАСА покажуваат дека барем пет од шесте американски знамиња на Месечинат аи натаму стојат исправено, но научниците истакнуваат дека после повеќе децении изложеност на Сонцето целосно ја изгубиле бојата.
Loading...
Ултравиолетовото зрачење од Сонцето ги избелува ткаенините и на Земјата. Бидејќи месечината нема никаква атмосфера, знамињата се изложени на голема радијација, а експертот Пол Спудис објаснува дека некои од нив можеби веќе дезинтегрирале т.е. се распаднале.
– Во програмата „Аполо“ американските астронаути рапоредиле шест знамиња на површината на Месечината. За четириесетина години, знамињата биле изложени на бруталните услови на таа средина – наизменични 14 дена сончево зрачење од 100 степени целзиусови, кои потоа носат 14 дена леден мрак на -150 степени целзиусови. Но, платното од кое се направени знамињата уште повеќе се оштетува од ултравиолетовото зрачење на чистата, нефилтрирана сончева светлина. Значи, многу е веројатно знамињата денес да се празни, целосно избледени од УВ зраците и честите сончеви светлости на површинат ана Месечината. Некои од нив дури можеби и физички се распаднале. Америка веднаш се откажала од истражување на Месечината и знамињата на неа избледеле, зарем тоане е иронично? – пишува Спудис.