Психологот Камини Вуд на својот блог објасни како растењето со токсичен родител може да ја обликува личноста на еден човек во зрелоста, како и нивното однесување доживотно.
Како што тврди таа, не постои топла, грижлива врска со токсичниот родител, а занемарувањето, маргинализацијата и емоционалната манипулација кои се толку чести кај нарцисоиден родител може да имаат долготрајни ефекти врз менталното здравје, животните избори и врските.
Но, како да препознаете токсичен родител?
Како што објаснува психологот, токсичните родители се егоцентрични и не можат да воспостават здрави, значајни односи со своите деца, но имаат нереални очекувања и поставуваат нереални барања од нив, критикувајќи се што нивните деца велат или прават.
Попатно, таа издвои пет реченици кои токсичните родители ги кажуваат на своите деца, а кои оставаат длабоки последици врз нив.
„Премногу си чувствителen“
Токсичните родители ќе ја користат оваа фраза за да ги дискредитираат и понижат чувствата на своето дете кога ќе го повредат.
Со оваа реченица тие всушност испраќаат порака дека не мислат дека се одговорни за нивните навредливи зборови и постапки, сугерирајќи дека нешто не е во ред со детето.
„Престани да драмиш“
Токсичните родители често ја користат оваа фраза за да избегнат одговорност за она што го кажуваат или прават, минимизирајќи или негирајќи ја злоупотребата.
Овој тип на родител намерно ќе создаде драма, конфузија и несигурност, обвинувајќи го детето за неговата претерана реакција.
Нарцисоидните родители кажуваат вакви работи за да ги сопнат децата со чувство на вина или да ги намалат нивните емоции.
„Никогаш не го кажав тоа“
Токсичните луѓе, вклучително и родителите, никогаш не преземаат одговорност за своите зборови и однесување.
Ќе направат нешто и потоа отворено ќе негираат дека го направиле тоа. На овој начин родителот му кажува на своето дете дека не чувствува никаква одговорност за болката што намерно или ненамерно му ја предизвикал.
„Само се обидувам да ти помогнам“
Токсичните родители ќе ја користат оваа фраза за да го оправдаат критикувањето без причина.
Тие секогаш веруваат дека знаат најдобро, па токсичниот родител ќе се навреди и ќе го обвини детето што не го следи нивниот совет.
„Толку си неблагодарен“
Кога предизвикуваат болка или лоши чувства кај своите деца, токсичните родители ќе ја глумат жртвата, обвинувајќи го сопственото дете дека е неблагодарно.
Исто така, тие често ќе се обидат да направат детето да се чувствува виновно игнорирајќи го или обидувајќи се да избегне да разговара со него.