Пет интервенции во текот на изминатото деноноќие бележат пожарникарите од Територијалната противпожарна единица Куманово.
Како што информираат од Регионалниот центар за управување со кризи, во период од 10:00 до 10:20 часот двајца пожарникари гаснеле запалено старо дрво во Градскиот парк.
На улицата „11 Ноември“ двајца пожарникари гаснеле запален контејнер во период од 17:10 до 17:30 часот.
Во атарот на селото Табановце горела сува трева и стрниште. Таму огнот го гаснеле четворица пожарниакри во период од 17:35 до 22:35 часот.
Сува трева и стрниште гореле и во атарот на селото Љубодраг. Таму гаснеле тројца пожарникари од 20:45 до 22:30 часот.
Во атарите на селата Брзак и Умин дол интервенирале четворица пожарникари на запалени стрништа. Опожарена била површина од околу 150 хектари, а интервенцијата која вчеравечер во 23:50 часот утринава се уште била активна.
Никола Ивановски