Специјалната воена операција на Русија во Украина ќе заврши кога ќе се постигнат сите цели што ги постави рускиот претседател Владимир Путин, изјави Дмитриј Песков, прес-секретар на рускиот претседател.
„Сè уште нема преговарачки процеси, знаете, украинската страна одбива какви било преговори“, изјави Песков на новинарите, пренесува РИА Новости.
Директорот на руската надворешна разузнавачка служба Сергеј Наришкин претходно денеска изјави дека Русија е блиску до постигнување на целите на специјалната операција, дека украинската армија е на работ на колапс, а режимот на Володимир Зеленски нема легитимитет и капацитет за преговори.
Рускиот претседател Владимир Путин во јуни покрена иницијатива за мирно решавање на конфликтот во Украина, велејќи дека Москва веднаш ќе го прекине огнот и ќе биде подготвена да преговара по повлекувањето на украинските војници од територијата на новите руски региони, пренесува Танјуг.
Покрај тоа, Путин посочи дека официјален Киев мора да потврди дека се откажува од намерата да се приклучи на НАТО, мора да изврши демилитаризација и денацификација, како и да прифати неутрален, неблокски и ненуклеарен статус.