САД не виделе никакви докази дека белоруските сили се во Украина, изјави портпаролот на Пентагон Џон Кирби.
„Не видовме никакви индикации дека белоруски трупи или сили се движеле во Украина. Ние не следиме директно учество на белоруските сили. Тоа не значи дека не би можело да се случи или дека нема да се случи“, изјави Кирби, а пренесе Би-би-си.
Украинскиот центар за стратешки комуникации во петокот објави дека не ја исклучува можноста Белорусија да и се придружи на Русија во нападот врз Украина, по вчерашната средба во Москва меѓу претседателите на Белорусија и Русија, Александар Лукашенко и Владимир Путин.