Пентагон изврши нов напад по наредба на Трамп – уништен е брод со наркотици (ВИДЕО)

On:
Сподели со своите пријатели

Американскиот секретар за одбрана Пит Хегсет изјави дека Пентагон извршил уште еден смртоносен напад, по наредба на американскиот претседател Доналд Трамп, врз брод во источниот дел на Пацификот за кој рече дека носел дрога, при што загинале четворица мажи.

„Претходно денеска, по наредба на претседателот Трамп, Министерството за војна изврши смртоносен воздушен напад врз друг брод за шверц на дрога управуван од одредена терористичка организација во источниот дел на Пацификот“, рече Хегсет во соопштението на платформата X, објави денеска NBC News.

Тоа е 14-ти пат администрацијата на Трамп да изврши воен напад против бродови осомничени дека пренесуваат дрога во изминатите неколку месеци.

ПРОЧИТАЈТЕ И:  Трамп ќе го тестира нуклеарното оружје на САД, прв пат по три децении

Хегсет рече дека бродот што бил цел им бил познат на американските разузнавачки служби „дека е вклучен во нелегален шверц на наркотици“.

Тој неколку пати повтори дека метаните бродови се движеле по позната рута за шверц на дрога и дека превезувале наркотици.

Тој претходно оваа недела рече дека американската војска извршила три напади врз четири бродови во истата област во понеделникот, на 27 октомври, при што загинале 14 луѓе за кои рече дека биле „нарко-терористи“.