Министерството за надворешни работи на Кина денес изјави дека „т.н. закана на Кина“ за Гренланд е неосновано тврдење што го користи НАТО во изјавите дека преговорите за арктичкиот остров со САД се водат за да се осигури дека Москва и Пекинг никогаш нема да добијат упориште на островот.
„Кина се спротивставува на практиката на создавање нешто од ништо и користење на Кина како изговор за себична добивка“, изјави портпаролот на министерството Гуо Џиакун на прес-конференција, според Ројтерс.
Претседателот на САД, Доналд Трамп, постојано ја повикува Данска да го отстапи Гренланд, кој е данска автономна територија, на САД од безбедносни причини, односно да се осигури дека Кина или Русија нема да добијат упориште на тој остров.
Портпаролот на НАТО претходно изјави дека сојузниците во Алијансата ќе работат колективно на безбедноста на Арктикот, како и дека преговорите меѓу Данска, Гренланд и Соединетите Американски Држави ќе продолжат со цел Русија и Кина никогаш да не добијат економска или воена упориште на Гренланд.