Чешкиот претседател Петр Павел денес го повика претседателот на Соединетите Американски Држави, Доналд Трамп, да ѝ даде на Европа повеќе време за зголемување на трошоците за одбрана.
Како што рече, потребни се реални цели за да се обезбеди безбедноста на континентот и да се ограничи „сè поагресивната Русија“, според Блумберг.
Павел, кој беше висок генерал на НАТО, додава дека ЕУ не може без помошта на САД, но дека ќе бидат потребни години за да се заменат дел од заштитата што сега ја обезбедува Вашингтон.
„САД ќе се обидат да извршат притисок врз Европејците да го сторат тоа побрзо. Да извршиме доволно притисок врз Европејците, но да не ги туркаме преку карпата“, рече Павел.
Апелот на Павел дојде две недели пред лидерите на Северноатлантскиот договор, на самитот на НАТО во Хаг, да се согласат дека трошоците за одбрана ќе бидат 5 проценти од БДП.
„Верувам дека е остварливо да останеме обединети. Европските сојузници би поздравиле многу посилен израз дека Русија е и ќе биде, барем на краток рок, нашиот најголем безбедносен предизвик“, рече тој, според Танјуг.