Палестинскиот премиер Мохамед Штајех се расплака за време на состанокот на кабинетот на палестинските власти додека ја раскажуваше приказната за мајка чии деца биле затрупани под урнатините во Газа.
Да потсетиме, израелската армија веќе еден месец жестоко бомбардира цели во Газа со цел да се одмазди за нападот на милитантите на Хамас.
„Децата пишуваат имиња на нивните тела за да можат телата да се идентификуваат. Мајката на трите деца затрупани под урнатините им вели на своите деца: „Да ве видам, макар и на сон“, рече Штаје и се расплака.
„Израелскиот министер за наследство не беше задоволен со 10.000 мртви, повеќе од 25.000 ранети и милион раселени. Тој сакаше да ја види Хирошима во Газа. Тој сакаше да го види геноцидот извршен од нуклеарната бомба што ја поседува Израел. Крвожеден сака да убива заради убиство“, продолжи тој.
„Меѓународниот кривичен суд сега мора да издаде налог за апсење на криминалците како превентивен чекор за запирање на машината за убивање. Ги поздравувам земјите кои ќе поднесат барања до судот за гонење на криминалци. Од совесните лица и застапниците на човечките вредности се бара брзо да дејствуваат за да се запре агресијата што го претвори Појасот Газа во крвен појас“, рече тој.
Откако ги отфрли повиците за прекин на огнот, Израел е под постојан притисок да се обиде да избегне цивилни жртви за време на воените операции.
Газа е едно од најгусто населените места во светот, каде милитантите на Хамас се мешаат со цивилното население и го користат како жив штит.
Palestinian Prime Minister Mohammed Shtayyeh broke down in tears during the opening session of the Palestinian authority cabinet’s meeting in Occupied west bank of Ramallah He spoke about children killed by Israeli air strikes. #FreePalestineNow #CeaseFire pic.twitter.com/8faZfTpXsG
— Mehro🇵🇸 (@mehrobangash15) November 6, 2023