Островот Улва на северозапад од Шкотска доживува вистински подем во последните години.
На овој остров, кој е дел од архипелагот Хебриди, во 2020 година имало само шест жители, а денес е дом на дури 11 луѓе!
Островот го купила компанијата „West Mull Woodland“ во 2018 година и почнала да ја реновира постоечката инфраструктура, а наскоро планираат таму да испорачаат крави и овци за кои некој ќе треба да се грижи…
Затоа поставија оглас за работа.
Бараат некој да биде овчар на островот во следните две години.
Директорот на компанијата Џон Ади ги предупреди потенцијалните кандидати дека оваа работа нема да биде воопшто лесна…
– Потребни се животни за одржливост на островот. Никој од нас нема искуство со сточарство, тоа не е наша професија, па бараме сериозен кандидат. Управувањето со фарма на такво „отфрлено“ место, со ограничени ресурси, ќе биде вистински предизвик за сите. – вели Ади.
Новиот вработен треба да започне со работа од 1 април 2022 година. Тие нудат почетна плата од околу 800 фунти (илјада долари) месечно, што ќе се зголеми на 1.000 фунти со текот на времето.
Иако платата и „не е нешто“ според островските стандарди, од вас се очекува да работите во просек 61 час месечно во првата година, а кога ќе пристигнат животните, ќе мора да работите 76 часа месечно, пренесува Метро.
Островот е познат по својата убавина поради што често е „мета“ на туристите.
Во моментов на него нема хотел, како и други форми на сместување, а од компанијата што издвои околу пет милиони евра за островот најавуваат дека целта им е до 2025 година да има 50 жители.
Дел од нив би работеле во дрвопреработувачка индустрија, дел би биле овчари, а дел туристички работници…