За време на тешката енергетска криза во светот и големиот скок на цената на нафтените деривати, граѓаните на Обединетите Арапски Емирати имаат привилегија да не се грижат за цената на горивото.
Во Дубаи чини нешто повеќе од 35 денари за литар.
Жителите на Дубаи имаат висок животен стандард, па не е чудно што не ги интересираат, како што велат, малите осцилации во цената.
Во Дубаи автомобилите најчесто се возат на бензин, кој се продава во две варијанти: специјална (95 октани) и супер (98 октани), кои се околу 2,8 дирхами, додека цената на дизелот за литар е речиси три дирхами.
Инаку, за еден долар во менувачниците, вклучително и провизијата, се добивале околу 3,5 дирхами и околу четири за едно евро.
Еден жител на Дубаи вели дека кога ќе застане на бензинската пумпа и не ја гледа цената, само го полни резервоарот до врв.
„Цената е стандардна и за мојот автомобил резервоарот е полн со околу 80 дирхами (19,2 евра), што ми одговара, па не ја проверувам цената“, рече тој, додавајќи дека цената во последно време малку се зголемува, бидејќи и другите цени благо се зголемуваат.
Друг возач, исто така, вели дека промените се мали и дека тоа не му прави никаква разлика, но дека забележува дека цената сѐ уште малку се зголемува.
„Горивото е евтино и можам да си го дозволам секој ден“, додаде тој.
Соговорникот, чиј автомобил троши бензин и кој, како што вели, вози секој ден, признава дека не ни знае колкава била точната цена, иако само наполнил гориво.
Дубаи стана најмодерен град, глобален трговски и деловен центар, иако има десет пати помалку производство на нафта на својата територија од соседниот Абу Даби, додека преостанатите пет емирати речиси немаат нафта.
ОАЕ произведуваат во просек по три милиони барели нафта и деривати дневно и имаат резерви на нафта од 100 милијарди барели.
Така, приближно 30 отсто од БДП на земјата директно се заснова на производството на нафта и гас, што придонесува со речиси 13 отсто од вредноста на нејзиниот вкупен извоз.
Нафтените резерви на ОАЕ, според некои проценки, се шести по големина во светот, а резервите на природен гас на ОАЕ се на седмото место.
Според претходните податоци, просечната плата во Дубаи надминала 2.500 евра, а неговите жители велат дека се зависи од професијата и дека сега можеби е поголема, бидејќи таму работат голем број странци, кои се многу добро платени.
Затоа во Дубаи се возат модерни автомобили и ретко кој користи јавен градски превоз, најмногу работници, пред се од Индија, Филипини и други азиски земји.
Таксито е прилично достапен начин на транспорт, со почетна цена од пет дирхами (1,2 евра).
На пример, растојание во центарот на градот на Дубаи од околу 30 километри чини околу 15 евра, во зависност од гужвите.
Цените на метрото се уште поевтини, а со билет за метро што, на пример, чини 50 дирхами, може да се направат 10 возења.