Иако изгледа логично, најсмртоносните суштества во животинскиот свет не се големи предатори како мечки и ајкули.
Исто така, излегува дека за повеќето смртни случаи предизвикани од животни, всушност не се виновни тие, туку болестите што можат да ги пренесат.
Ова се животните кои се одговорни за повеќето смртни случаи кај луѓето:
- Ајкули (6 смртни случаи годишно)
Ајкулите напаѓаат луѓе доста ретко, а тоа е кога луѓето влегуваат на нивна територија. Во просек, годишно умираат околу шест лица.
- Волци (10 смртни случаи годишно)
Нападите на волци не се толку чести во повеќето нивни природни живеалишта. Најмногу смртни случаи се бележат во регионите на Индија, во просек околу 10 смртни случаи во текот на годината.
- Лавови (околу 22 смртни случаи годишно)
Проценките за тоа колку луѓе умираат од лавови варираат од година во година. Некои истражувања сугерираат дека лавовите убиле 563 лица во Танзанија од 1990 година, што е 22 лица годишно.
Смртта како резултат на нападите на лавовите се јавуваат и во други земји, но нивниот вкупен број е тешко да се утврди.
- Слонови (500 смртни случаи годишно)
Бројка од 2005 година објавена од магазинот National Geographic вели дека слоновите тогаш биле одговорни за 500 човечки смртни случаи годишно.
- Нилски коњ (500 смртни случаи годишно)
Нилските коњи долго време се сметаа за најсмртоносно животно во Африка. Познато е дека овие џиновски животни се агресивни кон луѓето и не треба да им се пристапува.
- Свинска тенија (700 смртни случаи годишно)
Овој паразит предизвикува цистицеркоза, која убива просечно 700 луѓе годишно.
- Крокодили (1.000 смртни случаи годишно)
Вкупниот број всушност е тешко да се утврди, но се проценува дека најмалку 1.000 луѓе годишно ги губат своите животи во нападот на ова опасно животно.
- Голема детска глиста (4.500 смртни случаи годишно)
Овој паразит предизвикува инфекција аскаријаза, која убива околу 4500 луѓе годишно, според податоците од 2013 година. Оваа болест ги погодува децата почесто од возрасните и го напаѓа тенкото црево.
- Мувата Цеце (10.000 смртни случаи годишно)
Овој инсект пренесува таканаречена болест на спиење, паразитска инфекција која се манифестира со главоболки, треска, болки во зглобовите и чешање, но подоцна може да предизвика сериозни невролошки проблеми.
Годишно се пријавуваат околу 10.000 нови смртни случаи, а се верува дека тој број е во пораст.
- Редувиде (12.000 смртни случаи годишно)
Тие се нарекуваат и „бубачки бакнежи“, кои се носители Шангасова болест, која убива околу 12.000 луѓе годишно. Тие го носат ова романтично име затоа што ги гризат луѓето исклучиво за лицето.
- Слатководни полжави (повеќе од 20.000 смртни случаи годишно)
Овие животни се носители на паразити кои предизвикуваат болест кај луѓето наречена шистозомијаза, што предизвикува силна болка во стомакот и крв во столицата и урината, во зависност од делот од телото погодено од инфекцијата.
Милиони луѓе доаѓаат во контакт со оваа инфекција секоја година, а се проценува дека повеќе од 20.000 заразени умираат од неа.
- Кучиња (35.000 смртни случаи годишно)
Кучињата, особено оние заразени со вирусот на беснило, се едни од најсмртоносните животни во светот.
Околу 35.000 луѓе годишно умираат од вирусот на беснило, а во 99% од случаите луѓето се заразуваат со тоа кога ќе ги касне заразено куче.
- Змии (100.000 смртни случаи годишно)
Според податоците од 2015 година, каснувањата од змија убиваат повеќе од 100.000 луѓе годишно.
- Луѓе (повеќе од 437.000 убиства годишно)
Иако не се животни, луѓето се на второ место меѓу најголемите убијци на човечки суштества на годишно ниво.
Податоците од 2012 година велат дека секоја година има повеќе од 437.000 убиства во светот, што ги прави луѓето втор најголем убиец.
- Комарци (750.000 смртни случаи годишно)
Повеќето смртни случаи кај луѓето се предизвикани годишно од комарци, благодарение на опасните болести што ги носат.
Половина од овие смртни случаи се предизвикани од маларија, проследено со денга треска, како и многу други болести пренесени од каснување од комарец.