Бидејќи не е тајна дека Рамзан Кадиров долго време ја поддржува полигамијата, што не е толку невообичаено во неговата земја, но технички е спротивно на законот на Руската Федерација, чеченскиот лидер и еден од блиските соработници на рускиот претседател Владимир Путин, според „Проект“, партнер на OCCRP (Проект за известување за организиран криминал и корупција) наводно има уште една жена, покрај официјалната.
Се работи, наводно, за младата убавица Фатима Кажујева, која Рамзан првпат ја видел во 2006 година кога имала само 14 години и кога учествувала на еден избор за мис, каде го освоила второто место.
Љубовта, како што истакнале блиските до Кадиров, тогаш веднаш се разгорела, иако Рамзан, кој сега има 44 години, е многу постар од Фатима.
Како што откри организацијата Проект за борба против организираниот криминал и корупција, новата избраничка на Кадиров многу брзо станала сериозен милионер, која поседува три стана во срцето на Москва. Нивната вредност се проценува на околу пет милиони долари.
Исто така, безброј проекти поврзани со името на Фатима се финансирани од фондацијата Ахмат Кадиров, именувана по починатиот татко на чеченскиот претседател.
Овие проекти вклучуваат центар за рехабилитација управуван од компанијата на мајката на Фатима и училиште и џамија именувани по нејзиниот татко.
– Вкупниот имот на двете сопруги на Рамзан Кадиров, кој се проценува на околу осум милиони долари, е далеку поголем од имотот што тој можел да го стекне со платата пријавена во 2008 година, забележува OCCRP.
Натпревар за мис
Инаку, во 2006 година, кога Рамзан ја запознал идната избраничка, Чеченија, и покрај строгиот исламски закон, реши да организира избор за Мис.
Како што тогаш објаснија организаторите, нивната цел е да му дадат на светот малку поинаква слика за нивната земја, а не само слика за оружје и војни.
Така, и покрај противењето на бројните конзервативни струи, но и верскиот комитет, 20-ина млади убавици тој ден играа, пееја, се натпреваруваа во готвење, рецитирање и други вештини.
Меѓутоа, откако изборите завршија и Фатима беше прогласена за втора, дојде судбоносен момент за неа.
NEW: Chechnya’s longtime ruler, Ramzan Kadyrov, has often promoted polygamy in the conservative Islamic republic. With @wwwproektmedia, we reveal that he practices what he preaches. Kadyrov has a second wife — and she’s worth millions. 1/https://t.co/SzJiLvkMXA
— Organized Crime and Corruption Reporting Project (@OCCRP) April 7, 2021
Плачела незадоволна од пласманот, поради што Рамзан ја забележал. Потоа ја повикал кај себе и и ѝ рекол да танцува за него и за другите присутни моќници, фрлајќи и огромни суми пари под нозете.
Новинар на Комерсант, кој бил на местото на настанот, сведочел дека девојката играла традиционално лезгинско оро, а на подот околу неа таа вечер завршиле околу 30.000 долари.
И така победничката на изборот за мис добила место во владата и титулата „водечки модел“ на модната куќа „Фирдус“, која му припаѓа на семејството Кадиров. Но, Фатима добила многу поголема награда – станала сопруга на најмоќниот маж во земјата, а воедно и вистинска богаташка.
Што се однесува до полигамијата, таа е прифатлива во Чеченија и дозволува мажот да има најмногу четири жени, но под услов да може да им обезбеди исти услови за живот и да им обезбеди подеднакво внимание. Услов е и да им се овозможи да живеат на посебни места.
– Поддржувам дека мажот има четири жени, но мора да им обезбеди се што им треба. Така можеме да ги решиме демографските проблеми во Русија, изјави во една прилика Кадиров.
Дури и првата сопруга на Кадиров, Медни, еднаш рече дека е во ред тој да има повеќе жени. Таа објасни дека таков е муслиманскиот закон.
Сепак, Кадиров никогаш јавно не покажа знаци дека има други сопруги.
Интересно е, меѓутоа, тоа што Кадиров никогаш не се појавил во јавноста со двете сопруги, ниту со Фатима.
Исто така, никогаш јавно не кажа дека и самиот има повеќе од една жена. Со Медна, инаку, има 12 биолошки и две посвоени деца.