Шестмесечното момче, Александар К, или Саша, како што го нарекуваат, е едно од трите бебиња во светот, родено без очни јаболка.
Момчето никогаш нема да може да гледа, а во моментов тој нема семејство, бидејќи неговата мајка го напуштила, а неговиот татко не е познат.
Се верува дека момчето страда од екстремна форма на редок анофталмичен синдром SOKS2 која зафаќа едно бебе во четвртина од милион.
Поради недостаток на очните јаболка, Саша неодамна беше одведен на 2.500 километри до Санкт Петербург, каде хирурзите инсталираа ситни топчиња за очи за да се осигураат дека неговото лице нема да се деформира додека расте.
Ќе мора да се подложи на ваква операција на секои шест месеци, но ќе треба поголеми топчиња секој пат.
Освен ретката состојба со која се роди, постои и друга причина зошто на Саша го сметаат за уникатно бебе.
Имено, бебињата родени со толку сериозна медицинска состојба очигледно имаат голем број други здравствени проблеми. Ова не е случај со Саша. Тој има само две бенигни цисти на челото кои наскоро ќе бидат отстранети.
– Саша минува низ сите редовни прегледи и тестови како и секое друго бебе на негова возраст. Му оди добро – вели Татјана Рудниковиќ, доктор од Томск.
Loving home needed for unique baby born with no eyes.
— The Siberian Times (@siberian_times) October 14, 2019
Little Sasha is the third registered case in the world but ‘alone in being otherwise completely healthy' https://t.co/PxJoZTWBxA pic.twitter.com/020IUWGbo5
Сепак, лекарите велат дека во моментов нема „никаква шанса“ дека Саша некогаш ќе може да гледа.
Мајката на Саша е млада Русинка израсната во локално сиропиталиште во сибирскиот град Томск.
Според извештаите на локалните медиуми, таа решила да се откаже од својот син уште пред да се роди бебето, бидејќи чувствувала дека не може да му обезбеди на момчето она што му е потребно.
– Тој се насмевнува штом ќе чуе познати гласови. Во породилното одделение, неговата мајка потпишала документи со кои се откажува од него. Нема податоци за таткото на Александар, а цртичка е напишана во матичната книга на родените, каде требало да биде името на неговиот татко. Александар е подготвен за посвојување или згрижување – велат лекарите.
Усвојувањето ќе им се даде на приоритет на родителите од Русија, а подоцна, доколку не ги интересираат и на другите делови на светот, но има ограничувања за посвојниците од САД.
Во светот има само два случаи на бебиња родени без очи. Најпознат случај е Арчи Инес од Ирска, сега 2-годишно бебе, кое живее со своите родители во Сиднеј.
Мајката на Арчи дознала за состојбата на нејзиниот син кога била во 31 недела од бременоста.
Арчи исто така има сериозни проблеми со менталното здравје, благо до умерено оштетување на слухот и проблеми со дишењето.