Повеќето 90-годишници едвај одат, а камоли да вежбаат, но 90-годишната Јапонка Такишима Мика работи како фитнес инструктор во теретана и таа е најстарата инструкторка за фитнес во Јапонија, а можеби и на целиот свет. Таа спроведува дневни режими за фитнес и вежби.
За повеќето од нас, „возраста е само бројка“ е само уморно клише, но луѓе како Такишима Мика, наречена „Такимика“, се доказ дека не мора да биде.
Такишима наполни 90 години на 15 јануари годинава и таа е поактивна од повеќето 20-годишници. Таа е најстарата фитнес инструкторка во Јапонија и стана позната личност во азиската земја, како поради одличната физичка форма, така и поради позитивниот став и инфективната насмевка.
Но, Такимика не била секогаш таква. Всушност, нејзината трансформација и љубовта кон фитнесот започнале доцна во животот, кога веќе била во нејзините 60-ти години.
Пораноц Такишима Мика, била дебела и без никаков интерес за какво било вежбање. Но, случајниот коментар на нејзиниот сопруг за нејзината тежина, кога имала 65 години, променил сè.
Домаќинка со полно работно време, Такимика никогаш не ни помислувала да оди во теретана, но коментарот на нејзиниот сопруг ја натерал да го направи токму тоа и таа скоро веднаш се свртела кон фитнесот.
„Во тоа време, јас бев повеќе од дебела – големината на панталоните беше двојно поголема од сега“, изјави Мика за списанието „Нипон“.
„Сепак, јас тврдоглаво одбив да признаам дека имам прекумерна тежина. Сепак, еден ден мојот сопруг ја коментираше мојата тежина и тогаш решив да се запишам во теретана”.
Иако ја постигнала својата првична цел да изгуби 15 килограми по околу пет години, Такимика продолжила да тренира, бидејќи нејзината новооткриена љубов кон фитнес и помогнал да си постави нови предизвици.
„Почнав да се занимавам со фитнес само затоа што сакав да ослабам. Откако го направив тоа, решив дека сакам да имам убаво цврсто тело и убаво како Бразилкa. Потоа, кога го постигнав тоа, решив дека сакам широки рамења и тесен појас. „Следното што го правев, предавав часови по аеробик. Никогаш не сонував дека животот ќе се одвива вака”, рече таа.
Верувале или не, Такамика станала фитнес инструкторка на 87-годишна возраст, откако нејзиниот тренер ја убедил во тоа. Гледајќи го нејзиниот позитивен став во теретана и нејзината страст за вежбање, Накасава Томохару, тренер на Такишима и сопственик на теретаната, едноставно не можел да ја остави можноста да помине. Таа се приклучила на фитнес на 79 години и оттогаш прераснала во полн спортист за осум години.
Денес, 90-годишната Мика обично легнува околу 23 часот и се буди во 3 часот наутро, спиејќи само четири часа. Потоа оди на 4 километарска прошетка, потоа 3 километри трчање и 1 километар одење наназад.
Приказната за Такишима Мика трогна многу постари луѓе во Јапонија, од кои над 80.000 се стогодишници, а некои се инспирирани да се занимаваат со фитнес за подобрување на нивното здравје и општо добро.
Најстарата јапонска инструкторка по фитнес си постави две нови цели – да се најде во полна форма, да се храни здраво и да продолжи да биде инструктор по фитнес кога ќе наполни сто години.