Денеска во 10 часот започнува втората сезона на Отворениот градски базен во Куманово. Иако временските услови се уште не се поволни поради свежие ноќи, сепак Општина Куманово одлучи да ја отпочне сезоната и на кумановци да им понуди место за релаксација и спас од високите температури во текот на денот.
За децата до седум години во присуство на нивните родители влезот е бесплатен. За децата до 14 години ќе чини 75 денари, додека за повозрасните дневниот билет ќе се продава по цена од 150 денари. Базенот ќе работи од 10 до 18 часот, а за безбедноста на капачите ќе сегрижат двајца спасувачи, додека за здравјето на граѓаните тим на Црвениот крст.
Самиот базен има површина од 550 метри квадратни каде се поставени и 200 лежалки, а градоначалникот Дамјановски во неколку наврати потенцираше дека околу комплексот базени ќе се направи и мини парк со зелени површини и фонтани, но кога ќе започне реализацијата на овој проект засега не е познато.
