Научниците неодамна излегоа со откритие кои би можело да го разниша денешното разбирање на законите на физиката.
Поточно, во студените региони на Антарктикот, тие откриле исклучително чудни честички чијашто природа е засега необјаснета.
Најновата анализа на овие чудни честички ги отфрли сите можни објаснувања за нивниот изглед со стандардниот модел. Стандардниот модел е теорија во елементарната физика на честички која успешно опишува три од четири основни интеракции помеѓу елементарни честички кои ги опфаќаат сите познати материи: електромагнетизам и силни и слаби нуклеарни интеракции.
До денес, новооткриените честички можат да се објаснат само надвор од стандардниот модел, што значи дека за нивно толкување можеби ќе ни треба некоја нова физика.
Некои веруваат дека тоа е доказ за суперсиметрија
Во научната заедница се појавија нови теории за тоа што може да бидат енигматски честички ако навистина го доведат во прашање стандардниот модел.
Астрофизичарот Дерек Фокс смета дека тоа би можело да бидат стау-неутрони или потешка форма на тау-неутрони. Таквото сценарио би било во согласност со суперсиметријата – теоријата дека сите основни честички имаат свои многу помасовни суперсиметрични партнери.
Проблемот е во тоа што другите експерименти дизајнирани да детектираат суперсиметрични честички, како што е Големиот Хадрон во ЦЕРН, близу Женева, не успеаја да ги откријат ваквите честички.
Важна ЦПТ симетрија
За научната дисциплина што го проучува периодот веднаш по Големата експлозија, важен е поимот симетрија, идејата дека физичките закони остануваат и покрај одредена интервенција (трансформација) на физичкиот систем.
Ваквите трансформации се нарекуваат симетрични трансформации. На пример, резултатите од експериментот не треба да зависат од положбата на лабораторијата или моментот во историјата во која се изведуваат.
Овие симетрии ги означуваме со кратенки. Ц е акроним за промена што ја заменува честичката со анти-честички без да влијае на нејзиното однесување. П ја означува симетријата на трансформацијата на паритетот, каде физиката во едно сценарио не се разликува од онаа во сликата на огледалото. Т ја претставува симетријата на пресвртот на времето, што значи дека дејството наназад со време не повредува никакви физички закони.
Само неколку процеси се познати во кои се вклучени вообичаени честички кои ја нарушуваат симетријата на Ц, P или T. Сепак, во сите овие случаи, останатите две симетрии се нарушени како компензација, така што, во целина, симетријата на ЦПТ никогаш не се нарушува, пишува „Њу саентист“.
Во 2018 година, Нил Турок и неговите соработници Латам Бојл и Киран Фин се обидоа да дознаат како изгледала симетријата на ЦПТ во најраните моменти на нашиот универзум. Нивните пресметки покажаа дека има строго ограничен број и вид честички во Големата експлозија. Меѓу нив се наоѓаше хипотетичка десна неутронска честичка која беше кандидат за темна материја.
Има многу кандидати за темната материја. Сепак, овој десен неутрон имаше маса од 500 милиони милијарди електроволти, што е, што Турок не го знаел во тоа време, истата маса како честичките што ги забележал балонот АНИТА.
Паралелни универзуми
Ако оваа претпоставка е вистина и ако ЦПТ симетријата се одржувала во првите моменти на создавање на просторот, тогаш нашиот универзум содржел еднакви количини на материја и антиматерија. Овие две работи не стојат едни до други и кога ќе се сретнат, тие веднаш ќе бидат уништени, оставајќи зад себе само енергија.
Со оглед на тоа што во денешниот универзум има многу повеќе материја отколку антиматерија, многу космолози веруваат дека симетријата на ЦПТ не била целосно одржувана на почетокот на создавањето на универзумот.
Одговорот се чини дека повторно лежи во симетријата на ЦПТ. Значи Турок претпоставувал дека доколку се одржи симетријата на ЦПТ, за време на Големата ексолозија се создале два паралелни универзума, при што најголемиот дел од материјата завршиле во нашиот универзум и најголемиот дел од антиматеријата во другиот, паралелен универзум.
Во тој друг универзум, сè ќе мора да оди во спротивна насока, а sвездите или планетите би биле направени од антиматерија. Изненадувачки, овој универзум на крајот ќе се врати назад кон Големата експлозија, наместо да се шири од него како нашиот универзум.
Потребни се дополнителни потврди
Идејата за таков паралелен универзум е радикално далечна од сегашната космологија, но Турок верува дека тој и неговите колеги ќе можат да ги решат сите потешкотии без да воведат друга нова честичка.
Ако АНИТА навистина го снимила вистинскиот неутрон предвиден со теоријата на анти-просторот, тогаш треба да биде откриен од други неутронски опсерватории. Опсерваторијата Ајс Кјуб Неутрино не наишла на такви честички.
Од друга страна, теоретскиот физичар Луис Анхордоки смета дека високо-енергетскиот тау-неутрон може да се замени со енергетски понискиот муон-неутрон, што веќе е забележано од „Ајс кјуб неутрино“. Ова би значело дека и Анита и Ајс Кјуб Неутрино можеби откриле докази за паралелен универзум.