Во текот на изминатите 24 часа, осум лица се повредени во Херсонската област како резултат на руските напади, објави шефот на администрацијата на Херсонската област, Александар Прокудин.
Две високи згради, 10 приватни куќи, помошна зграда, гаража и приватни автомобили беа погодени, објави Укринформ.
Синоќа украинските воздушни одбранбени сили уништија еден руски дрон „Шахед-131/136“ над Херсонската област.
Во рускиот напад, автомобил беше погоден во предградието на Херсон, а 75-годишен маж и 44-годишна жена беа повредени за време на нападот.
Мажот претрпел потрес на мозокот, повреди од експлозија и рани од шрапнели на вратот, рацете и нозете, а неговата состојба беше оценета како сериозна.
Жената беше повредена во експлозијата, во која доби потрес на мозокот и рани од шрапнели на нозете и рацете, а нејзината состојба беше оценета како средна.
Според Прокудин, нападите погодиле неколку населени места, вклучувајќи го и Херсон, пренесува Танјуг.