Специјалниот истражител на ОН Финуала Ни Еле изјави дека нападите на Хамас врз Израел претставуваат воени злосторства и злосторства против човештвото, но дека земјата е обврзана според меѓународното право да ги заштити цивилите како одговор на овие напади и дека ѝ е забрането да гаѓа училишта, болници и бегалци.
Ни Еле синоќа на прес-конференција во седиштето на ОН оцени дека доколку се прекршат тие правила за меѓународното хуманитарно право, како што рече, „се наоѓаме на територија на воени злосторства“.
Таа нагласи дека врз основа на Женевските конвенции, кои ги дефинираат правилата за војна, не само Израел и Хамас мора да го почитуваат меѓународното хуманитарно право, туку и оние „кои имаат влијание“ врз страните имаат обврска да обезбедат почитување на правилата и потсети ги на ова..
Ни Ел додаде дека Израел треба да избегне да ја направи истата „грешка“ што ја направија САД по 11 септември кога беа извршени „ужасни и систематски прекршувања на човековите права“.
Таа, исто така, го повтори ставот на генералниот секретар на ОН, Антонио Гутереш дека наредбата на Израел за евакуација на 1,1 милион жители од северниот дел на Појасот Газа на југ „ќе има катастрофални последици“.
Ни Ел рече дека таа и многу други во организацијата на ОН му се придружиле на Гутереш во осудата и предупреди дека прекинот на снабдувањето со вода и електрична енергија, што е мерка што најмногу ги погодува цивилите, може да претставува воено злосторство.