Најмалку 19 лица се повредени во инцидент со огномет што се случи вчера вечерта на саем во Диселдорф, Германија.
Најмалку едно дете е меѓу повредените, а четири лица се здобиле со сериозни повреди, соопшти рано утрово противпожарната служба на Диселдорф.
На местото на настанот биле повикани речиси 80 пожарникари и спасувачи.
Според информациите, еден од огнометите детонирал од непознати причини од прениска висина доцна вчера вечерта.
Полицијата ја истражува причината, но верува дека станува збор за несреќа.
Организаторите на најголемиот саем на Рајна, Диселдорфскиот Рајнкирмес, ги завршија свеченостите предвреме.
Во соопштението, тие изјавија дека длабоко жалат за несреќата. Портпаролот рече дека ќе размисли дали да ја продолжи традицијата со огномет следната година.
Саемот, кој го слави заштитникот на градот, Свети Аполинариј, започна на 11 јули и треба да трае до утре.
Nothing to see here just a *liiiiiittle* accident when a rocket fell and ignited a large part of the entire fireworks depot at the annual Düsseldorf fireworks display all at once 🫠 pic.twitter.com/DvCkVXpuik
— I Ran Away (@I_Ran_Away) July 18, 2025