Огнена печурка над Киев: Застрашувачки момент од ужасна експлозија (ВИДЕО)

On:
Сподели со своите пријатели

Ракетите денеска го погодија главниот град на Украина, додека руските сили продолжија со напредувањето, а властите во Киев најавија дека се подготвуваат за државен удар.

Сирените за воздушни напади ечеа над Киев, европски град со три милиони жители, а некои жители се засолниле во подземните станици на метрото, еден ден откако рускиот претседател Владимир Путин ја започна инвазијата што го шокираше светот.

Украинските власти соопштија дека рускиот авион во текот на ноќта бил соборен и удрил во зграда во Киев, при што била запалена, а осум лица биле повредени.

 

 

Висок украински функционер изјави дека руските сили ќе влезат во областите недалеку од главниот град подоцна во петок и дека украинските војници ги бранат своите позиции на четири фронта, и покрај бројната супериорност на противниците.

Градскиот совет на Киев ги предупреди жителите на областа Оболон, во близина на воздухопловната база окупирана од руските падобранци во четвртокот, да останат внатре поради „приближувањето на активни непријателски дејства“.

Искршени се прозорците на 10-катна станбена зграда во близина на главниот аеродром во Киев, каде кратер од два метри исполнет со урнатини покажа каде паднала гранатата пред зори.

Извор од полицијата изјави дека на лице место се ранети лица, но дека нема загинати.