Од вечерва на полноќ „Еуросупер БС-95“ и дизел горивата ќе се продаваат за половина денар повисока цена, одлучи денес Регулаторната комисија за енергетика.
Согласно одлуката новата малопродажна цена на Еуросупер БС-95 ќе изнесува 66,50 денари за литар, а на Еуросупер БС-98 останува иста – 68,5 денари за литар. Цената на Еуродизел (Д-ЕV) се зголемува за половина денар и ќе изнесува 53,00 денари за литар. Цената на екстра лесното масло за домаќинство (ЕЛ-1) се зголемува за еден денар и ќе изнесува 41,0 денари за литар.
Малопродажната цена на мазутот М-1 НС, се намалува за 0,680 денари па согласно тоа еден килограм ќе чини 27,845 денари.
Овие ценовници ќе важат во наредните две седмици до наредното заседавање на Комисијата за енергетика.
Loading...