Она што требало да биде најсреќната ноќ во неговиот живот, се претворило во кошмар за младиот Романец, откако неговите пријатели го фрлиле во воздух на венчавката и го испуштиле, поради што се здоби со повреда на ‘рбетот.
Младоженецот за Ливија Филимон (31), уживал на венчавка во Бајле Феликс, Романија, кога неговите пријатели одлучиле да го прослават бракот на Ливију фрлајќи го во воздух.
Тоа е обичај што се практикува низ целиот свет, и не само на свадби, туку за да се избегнат повреди или несреќи, клучно е човекот да не заврши на подот, пренесува „Одити Централ“.
Во случајот со Филимон, работите не оделе точно според планот, па младоженецот завршил во болница со неколку фрактури на ‘рбетот.
Виралното видео од инцидентот покажува младоженецот како го фаќаат пријателите додека се приближува до подиумот за танц, а потоа го фрлаат во воздух. Успеваат да го фатат првиот пат, но по вториот, момците не беа синхронизирани, што доведе до тоа Филемон да полета и да заврши на подот.
За жал, неговите пријатели направиле уште една грешка, кога го кренале повредениот младоженец и го ставиле на стол, наместо да го остават во иста положба додека не пристигне брзата помош.
Падот предизвика неколку повреди на ‘рбетот, а додека стигнал во болница, Ливија можел да ја помести само левата нога, додека не ја чувствувал десната нога.
За среќа, ситуацијата се подобрила во текот на ноќта и Филемон почна да ги чувствува двете нозе, но тој бил задржан во болница. Откако сподели селфи од болницата, тој им призна на новинарите дека контактирал со адвокат, но дека се уште размислува дали да тужи некого.
Од друга страна, свадбата продолжила и откако младоженецот отишол во болница, па гостите ги забавувале неговите родители и невестата.
Необичниот инцидент беше објавен од сите медиуми, а на социјалните мрежи, акцијата на младиот човек беше осудена.
„Така е кога имате друштво што сака да пие…“, коментира еден корисник, додека други се согласуваат дека обичајот да се фрли младоженецот во воздух е „глупост“.