Од ноќеска на полноќ растат малопораджните цени на нафтените деривати, па така дизелот ќе се продава по цена од три денари, а бензинот за два денари, пресече денес Регулаторната комисија за енергетика.
Малопродажните цени на ЕУРОСУПЕР БС-95 и ЕУРОСУПЕР БС-98 се зголемуваат за 2 ден/лит и со тоа цената на ЕУРОСУПЕР БС-95 изнесува 64 ден/лит, додека малопродажната цена на ЕУРОСУПЕР БС-98 изнесува 66 ден/лит.
Малопродажните цени на ЕУРОДИЗЕЛ (Д-Е V) и Екстра лесното масло за домаќинство (ЕЛ-1), се зголемуваат за 3 ден/лит и со тоа малопродажната цена на ЕУРОДИЗЕЛ (Д-Е V) изнесува 50 ден/лит, додека малопродажната цена на Екстра лесното масло за домаќинство (ЕЛ-1) изнесува 38,50 ден/лит.
Малопродажната цена на мазутот М-1 НС се зголемува за 1,419 ден/кг во однос на цената утврдена со Одлуката од 16.05.2016 година и со тоа цената на М-1 НС изнесува 20,883 ден/кг.
Со оваа Одлука се врши зголемување на рафинериските и на малопродажните цени на нафтените деривати во просек за 8,98%, односно за 5,64% во однос на рафинериските и на малопродажните цени на нафтените деривати утврдени согласно Одлуката на Регулаторната комисија за енергетика на Република Македонија од 16.05.2016 година.
Просечната цена на сирова нафта на светскиот пазар во изминатиот 14-то дневен период изнесуваше 48,659 $/барел и е за 8,82 % повисока од просечната цена на сурова нафта (44,715 $/барел) по која беа формирани тековните цени на нафтените деривати.
Цените беа формирани во однос на курсот на денарот во однос на доларот во текот на изминатите 14 дена, како и цената на нафтените деривати на светската берза.
Loading...