Регулаторната комисија за енергетика, водни услуги и управување со комунален отпад донесе нова одлука со која просечно се намалуваат малопродажните цени на нафтените деривати за 1,06 % во однос на одлуката донесена на 4 август 2025 година.
Со оваа промена, цената на ЕУРОДИЗЕЛ (Д-Е V) е пониска за 1,00 денар по литар, додека бензините ЕУРОСУПЕР БС-95 и ЕУРОСУПЕР БС-98 се поевтини за 0,50 денари по литар. Екстра лесното масло за домаќинство (ЕЛ-1) е намалено за 1,50 денари по литар, а Мазутот М-1 НС е поевтин за 0,159 денари по килограм и сега чини 39,786 денари за килограм.
Почнувајќи од 12 август 2025 година во 00:01 часот, максималните малопродажни цени ќе бидат следниве:
ЕУРОСУПЕР БС-95: 74,50 денари/литар
ЕУРОСУПЕР БС-98: 76,50 денари/литар
ЕУРОДИЗЕЛ БС (Д-Е V): 68,50 денари/литар
Екстра лесно масло за горење 1 (ЕЛ-1): 68,00 денари/литар
Мазут М-1 НС: 39,786 денари/килограм