1.150 цивилни тела се пронајдени во регионот на Киев од почетокот на руската инвазија, а 50-70 отсто од нив имаат прострелни рани од мало оружје, соопшти во четвртокот киевската полиција.
Началникот на регионалната полиција на Киев, Андриј Небјатов, во видео објавено на Твитер изјави дека повеќето од телата се пронајдени во градот Буча, каде што се откриени стотици тела откако руските сили се повлекоа.
Подољак: Светот го признава правото на Украина да ги напаѓа руските бази
Украина соопшти дека цивилите пронајдени во Буча биле убиени од руските сили за време на окупацијата на областа.
Ројтерс не можеше да го потврди бројот на пронајдени мртви во Буча ниту околностите на нивната смрт.
Русија негираше дека целела цивили од нејзината инвазија на Украина на 24 февруари.
Предупредување од Кремљ: Вооружувањето на Украина ја загрозува безбедноста на Европа
Таа ги нарече „монструозен фалсификат“ наводите дека нејзините сили егзекутирале цивили во Буча додека го окупирале градот, чија цел е да ја оцрни руската армија.
„До денес најдовме, извршивме увид и им предадовме на форензичките институции 1.150 тела на загинати цивили“, рече Небјатов во видеото, опкружено со урнатините на зградите уништени за време на тешките борби во регионот на Киев.
„Сакам да нагласам дека тоа се цивили, а не војска“, рече тој.
Украина: Засилена руска офанзива на истокот од земјата, одбивме шест напади
Видеото е објавено на денот кога генералниот секретар на ОН Антонио Гутереш е во Киев за да се сретне со украинскиот претседател Володимир Зеленски.
Украинската телевизија го прикажа Гутереш како го посетува градот Бродјанка, за кој Зеленски рече дека е „значително полош“ од блискиот Буча.