Информацијата ја потврди и советникот на украинскиот претседател Зеленски: „По жестока борба изгубивме контрола над Чернобил. Не е позната состојбата на нуклеарната централа и складирањето на нуклеарниот отпад“.
На Твитер беше објавено видео на кое се гледаат руски тенкови пред електраната. Автентичноста на снимката ја потврди и Би-Би-Си.
Хана Љубакова, новинарка од Белорусија, на Твитер објави дека руските сили ја презеле нуклеарната централа Чернобил. Работници во електрана се заробени, пишува Љубакова.
Истата информација ја објави Кристо Грозев, наградуван истражувачки новинар и извршен директор на Bellingcat, истражувачка веб-страница, пренесува Index.hr.
Да потсетиме, украинскиот претседател Владимир Зеленски објави дека руските сили ја напаѓаат областа Чернобил.
– Руските окупациски сили се обидуваат да ја освојат нуклеарната централа Чернобил. Нашите борци ги даваат своите животи за да не се повтори трагедијата од 1986 година. Го пријавив тоа кај шведскиот премиер. Ова е објава на војна за цела Европа – напиша Зеленски на Твитер.
Чернобыль pic.twitter.com/QAC3CrJPj2
— M:ara (@gt_lozt) February 24, 2022