Кон средината на февруари се очекува редок атмосферски феномен кој ќе го зафати поларниот вител и ќе ја наруши зимската циркулација на северната хемисфера.
Според најновите прогнози на порталот Severe Weather Europe, во средината на февруари е потврдено ненадејно стратосферско затоплување (нагло зголемување на температурата во стратосферата во текот на зимата), што силно ќе го дестабилизира поларниот вител, огромен резервоар на студен воздух над Арктикот и значително ќе ја наруши вообичаената шема на северот.
Тоа е ретка појава во атмосферата, при која температурите во стратосферата, на височина од околу 30 километри, нагло се зголемуваат и до 40 степени над просекот.
Таквото нагло затоплување доведува до слабеење, издолжување или дури и расцепување на поларниот вител.
Кога е силен, арктичкиот студ останува „заклучен“ на север, па зимите во умерените географски широчини, како Европа, САД и Канада, се поблаги.
Меѓутоа, кога вителот ќе се наруши или ќе се распадне, студениот воздух почнува да се спушта кон југ, носејќи бранови на екстремен студ, снег и силни бури.
Во овој случај, SSW треба да започне околу 15 февруари, со слабеење на стратосферските ветрови и деформиран, издолжен поларен вител под притисок од силни системи со висок притисок.
Моделите ECMWF и GFS укажуваат на неговото одвојување на два дела – едниот се движи кон Северна Америка, а другиот кон Азија.
Дополнително на сложеноста е судирот со осцилацијата Маден-Џулијан (MJO), голем тропски атмосферски бран кој се движи кон исток и влијае на притисокот, ветровите и врнежите во долниот дел на атмосферата.
МЈО во моментов создава противтежа, бидејќи силниот млазен поток и високиот притисок над Северниот Пацифик привремено го спречуваат студот да се спушти од стратосферата на површината, особено над Северна Америка.
Затоа, се очекува во средината на февруари, помеѓу 15 и 20, делови од САД и Канада да имаат надпросечни температури.
Сепак, овој ефект нема да трае долго.
Како што бранот MJO се движи, врската помеѓу стратосферата и тропосферата ќе биде повторно воспоставена, отворајќи го патот за понатамошни упади на арктичкиот воздух кон крајот на февруари и почетокот на март.
Што се однесува до Европа, прогнозите укажуваат на првично продирање на студ над североисточниот дел на континентот, со ширење кон северозапад, вклучувајќи ги Велика Британија, Ирска и северните делови на централна Европа, во средината на февруари.
Атлантските системи со низок притисок ќе го ограничат ширењето на студот кон запад.
Кон крајот на февруари и почетокот на март се очекуваат постудени аномалии на север, североисток и делови од централна Европа, додека југозападниот дел од континентот ќе остане поблаг под влијание на стабилен висок притисок.
Метеоролозите нагласуваат дека ова е редок „судир на титаните“ меѓу стратосферското затоплување и МЈО, што ги прави прогнозите особено предизвикувачки.
Претстои променлив период, со краткорочни поблаги услови во Северна Америка, кои би можеле да бидат проследени со нови силни студени бранови, пренесува „Вечерњи“.