Британскиот премиер Борис Џонсон изјави во вторникот дека неговата земја е подготвена да прими 200.000 Украинци во услови на хуманитарна криза во нивната земја.
По средбата со неговиот полски колега Матеуш Моровицки, Џонсон рече дека Велика Британија отсекогаш имала традиција да прифаќа луѓе од воените зони.
„Тоа може да доведе до тоа Обединетото Кралство да прифати 200.000 луѓе, можеби и повеќе“, рече Џонсон.
Британскиот премиер изјави дека рускиот претседател Владимир Путин, кој нареди воена операција во Украина минатиот четврток, ја потцени „страсната желба“ на Украинците да ја бранат својата земја, но и единството и одлучноста на Западот и остатокот од светот.
Тој исто така рече дека е „поубеден од кога било“ дека Путин ќе пропадне.
Тој додаде дека рускиот претседател користи „варварски тактики“ во Украина и смета дека оние кои целат цивили треба да бидат изведени пред Меѓународниот кривичен суд.
Британскиот премиер, кој денеска е во посета на Полска, ја пофали земјата што е на чело на хуманитарните напори.
Руската воена операција во Украина во вторникот влезе во шестиот ден, а најголемиот дел од вооружениот конфликт го носат цивили.
Во последниот извештај се вели дека руските сили се движат кон главниот град Киев, додека во другите градови, како Харков, ракетирањето продолжи и утринава.