САД, Јапонија и Јужна Кореја во средата предупредија дека севернокорејската нуклеарна проба ќе бара „невиден силен одговор“, ветувајќи единство по лансирањето на ракетата од страна на Северна Кореја.
По разговорите во Токио, замениците министри за надворешни работи на трите земји рекоа дека ќе го засилат своето „одвраќање“ во регионот.
– Се договоривме за натамошно зајакнување на соработката за да може Северна Кореја веднаш да ги прекине своите незаконски активности и да се врати на разговорите за денуклеаризација – изјави јужнокорејскиот министер за надворешни работи Чо Хјун-донг.
– Трите земји се согласија за потребата од невиден силен одговор доколку Северна Кореја продолжи со седмата нуклеарна проба – изјави тој пред новинарите, пренесува АФП.
Сеул и Вашингтон предупредија дека Пјонгјанг би можел да биде блиску до тестирање атомска бомба од 2017 година, по серијата лансирања на балистички проектили.