Нови клупи, лулашки и уредена зелена површина од денес ќе имаат граѓаните кои живеет во месната заедница Б.С. Гојчо, откако денес во заедничка акција Општинскиот одбор на СДСМ Куманово, ЈП „Чистота и зеленило“ и голем број граѓани го уредија паркот кај зградите зад економското училиште.
Loading...
Лошите временски услови не ги спречија во намерата да го обноват ова урбано катче во градот, а градоначалникот на Општина Куманово, во својство на партиски член упати апел за подигнување на еколошката свест кај граѓаните.
Мислам дека ова е една позитивна акција која се одржува неколку недели по ред за уредување на градските катчиња, урбаната опрема што ја набавуваат на некој начин апелирам до граѓаните да ја чуваат, бидејќи ако не се негува и чува, ако површините не ги заштитуваме и фрламе како по депонии тогаш работата е узалудна, затоа мимо нашите акции свеста на граѓаните да ја зачуваме природата и да го зачуваме градот – изјави градоначалникот Дамјановски.
Првиот човек на СДСМ во Куманово, Мартин Костовски упати критика до политичките противници, односно членовите на ВМРО-ДПМНЕ кои иако повикани да бидат дел од акцијата, сепак не се појавија.
Повиканите за денешната акција, Општинскиот комитет на ВМРО-ДПМНЕ уште еднаш ја покажаа нивната дволичност, затоа што знаат да напаѓаат, но кога ќе ги викнеме на заедничка акција, како што гледате ги нема меѓутоа сигурен сум дека граѓаните знаат да го ценат она што значи искреносст и доблест на политичките партии – изјави Костовски.
Акцијата според Костовски, се очекува да продолжи и следниот викенд и тоа во населбата Средорек.
Loading...