Изминатиот период засадени се над 130 садници долж булеварот „Трета МУБ”, информираше денеска градоначалникот на Општина Куманово, Максим Димитриевски.
Како што додава, акцијата е во рамки на проектот „Урбано раззеленување за поздраво дишење“, кој се имплементира преку Центарот за развој на Североисточниот плански регион во партнерство помеѓу Општините Куманово и Ќустендил.
Како дел од проектот, исто така поставена е и урбана опрема, клупи и корпи за отпадоци.
Претходно слична акција беше спроведена и на булеварот „Октомвриска револуција“.
Никола Ивановски