Нов сателит во вселената за борба против климатските промени

On:
Сподели со своите пријатели

Oд Калифорнија е лансиран нов сателит, кој прецизно ќе ги следи и одредува емисиите на метан во нафтената и гасната индустрија од вселената.

Loading...

Сателитот, наречен MetanSAT, беше поддржан од матичната компанија на Google Alphabet Inc. и групата Environmental Defense Fund, објави Ројтерс.

Леталото ќе биде дел од растечката флота на сателити во орбитата, кои треба да помогнат во борбата против климатските промени преку објавување податоци за емисиите на невидлив, но многу моќен стакленички гас.

Додека Европската вселенска агенција и другите сателитски монитори веќе обезбедуваат податоци за емисиите на метан, MetanSAT ќе обезбеди повеќе детали и ќе има многу пошироко видно поле.

Американската невладина организација Environmental Defense Fund (EDF) соопшти дека податоците ќе влијаат на одговорноста на повеќе од 50 нафтени и гасни компании, кои на климатскиот самит во Дубаи COP28 во декември ветија дека ќе ја намалат нивната употреба на метан на нула и ќе го елиминираат рутинскиот гас што гори.

Тоа треба да им помогне на оние кои се подготвуваат да се прилагодат на претстојните регулативи за метан на ЕУ и САД, вклучително и надоместокот за загадување со метан.

MethaneSAT беше развиен во соработка со Новозеландската вселенска агенција и Универзитетот Харвард, меѓу другите, а податоците ќе бидат достапни за јавноста подоцна оваа година, соопшти EDF.

Google Cloud ќе обезбеди компјутерски способности за обработка на информации, според Ројтерс.

Loading...