Пензискиот фонд на Норвешка е најголемиот суверен фонд во светот. Создаден со цел да ја обезбеди финансиската стабилност на Норвешка и иднината на нејзините граѓани, овој фонд ги акумулира приходите од нафтените резерви на земјата и ги инвестира во акции, обврзници, недвижнини и други средства ширум светот.
Во 2024 година, фондот постигна рекорден профит од 222 милијарди долари. Овој успех се должи на паметните и стратешки инвестиции, особено во водечките технолошки компании како Microsoft, Apple и Nvidia.
Со вкупна вредност што надминува 1.3 трилиони долари, фондот е глобален играч кој влијае на финансиските пазари ширум светот. Парите од фондот се користат за пензии, здравство и други социјални услуги.
Според проценките, вредноста на фондот изнесува околу 230.000 долари по глава на жител.
Ако постоеше можност секој Норвежанин веднаш да си ја подигне својата „долична квота“, би добил доволно за да си купи стан, електричен автомобил, да патува и сѐ уште да му остане за комфорна пензија.
Но токму во тоа е мудроста на Норвежаните – тие знаат дека вистинското богатство не е во трошењето денес, туку во обезбедувањето стабилност за утре.
Идејата за создавање на Пензискиот фонд се појавила во 1990-тите години, кога норвешките власти сфатиле дека приходите од нафтата нема да траат вечно.
Наместо да ги потрошат веднаш, тие донеле мудра одлука: парите да се вложуваат во глобални инвестиции за идните генерации.