Норвешката агенција за безбедност денеска соопшти дека во Осло е уапсен маж под сомнение за учество во терористичка организација.
Како што велат, уште едно лице е идентификувано како норвешки студент и уапсено во Бугарија во координирана акција.
Подоцна денеска ќе се одржи истражно рочиште за осомничениот кој е во притвор во норвешката престолнина, по апсењето еден ден претходно, пренесува агенцијата АП.
Портпаролот на агенцијата „Тронд Хугубакен“, позната по акронимот PST, за норвешката телевизија НРК изјави дека апсењето во Бугарија е извршено врз основа на европскиот налог за апсење издаден од обвинителството во Норвешка, а истрагата е спроведена во скандинавската земја.
Норвешките медиуми наведуваат дека меѓу мажите постои семејна врска, и дека двајцата се норвешки државјани.