Норвешка испорача 22 самоодни хаубици М109 во Украина, заедно со опрема, резервни делови и муниција, напиша ДПА во средата.
„Развојот на војната во Украина сега укажува на потребата да се донира и потешка артилерија и вооружени системи“, рече во средата норвешкиот министер за одбрана Бјорн Арилд Грам.
Норвешка, исто така, обучувала украински војници во Германија за користење на системот, се вели во соопштението.
Поради безбедносни причини, испораката не беше однапред најавена, рече министерот.
Норвешката армија неодамна ги замени хаубиците М109 со нова јужнокорејска артилерија.
Русија продолжува да го напаѓа Северодонецк од три различни правци, иако одбраната на Украина сепак успева да ги задржи своите позиции, тврдат аналитичарите на британската разузнавачка служба.
„Die Ukraine hat diese Art von Waffen ausdrücklich angefordert. Der Verlauf der Feindseligkeiten in der Ukraine diktiert derzeit die Notwendigkeit, schwerere Artillerie und Waffensysteme bereitzustellen“ – @Bjornarildgram zu den 22 aus 🇳🇴 gelieferten M109
Aus 🇩🇪: Weiter nichts. pic.twitter.com/WxKA2CK6G4— Julian Röpcke🇺🇦 (@JulianRoepcke) June 8, 2022
„Малку е веројатно ниту едната страна да освои значајна позиција во последните 24 часа“, се вели во дневниот извештај на британското Министерство за одбрана.
Северодонецк е еден од последните градови во областа Луганск под контрола на украинските сили.
Градот е стратешки важен поради неколку причини.